Շատ բնակարաններում և տներում կարելի է տեսնել նույն պատկերը՝
երկարացման լարեր, “տրոյնիկներ”, մի վարդակից միացված մի քանի սարքեր։

Շատերի համար սա սովորական լուծում է թվում, սակայն իրականում այն հաճախ ցույց է տալիս, որ էլեկտրական համակարգը ճիշտ չի նախագծվել կամ այլևս չի համապատասխանում տան ներկա ծանրաբեռնվածությանը։

Ինչու՞ է դա կարևոր

Ժամանակակից տներում օգտագործվող տեխնիկան զգալիորեն ավելացել է․

• օդորակիչներ
• լվացքի մեքենաներ
• սպասք լվացող մեքենաներ
• ջեռուցիչներ
• համակարգիչներ
• խոհանոցային տեխնիկա

Երբ այս ամենը միացվում է ոչ ճիշտ բաշխված գծերի վրա, համակարգը սկսում է գերբեռնվել։

Արդյունքում կարող են առաջանալ՝

• ավտոմատների հաճախակի անջատումներ
• վարդակների տաքացում
• լարերի գերտաքացում
• տեխնիկայի վնասում
• հոսանքի անկայունություն
• հրդեհավտանգ իրավիճակներ

Ինչպե՞ս հասկանալ, որ համակարգը վերանայման կարիք ունի

Եթե ձեր տանը՝

• գրեթե ամեն սենյակում օգտագործվում է երկարացման լար
• վարդակները չեն բավականացնում
• ծանրաբեռնված տեխնիկան աշխատում է նույն գծի վրա
• ավտոմատները հաճախ անջատվում են
• նկատվում է լարերի կամ վարդակների տաքացում

ապա արժե կատարել համակարգի ստուգում և գնահատում։

Ինչպիսի՞ն պետք է լինի ճիշտ լուծումը

Պրոֆեսիոնալ նախագծված էլեկտրական համակարգը կառուցվում է ոչ միայն “աշխատելու”, այլ երկար տարիներ անվտանգ և կայուն ծառայելու համար։

Ճիշտ լուծումը ներառում է՝

 բեռների ճիշտ հաշվարկ
 առանձին գծեր ծանրաբեռնվող սարքերի համար
 բավարար քանակությամբ վարդակներ
 որակյալ պաշտպանիչ համակարգեր
 անվտանգ և կոկիկ մոնտաժ
 ապագա ծանրաբեռնվածության հաշվարկ

Ինչու՞ է կարևոր ամեն ինչ ճիշտ անել հենց սկզբից

Շատ դեպքերում մարդիկ վերադառնում են էլեկտրական համակարգի խնդիրներին արդեն վերանորոգումից հետո, երբ փոփոխություններ անելն ավելի բարդ և ծախսատար է դառնում։

Ճիշտ նախագծումը սկզբնական փուլում թույլ է տալիս՝

• խուսափել հետագա խնդիրներից
• ապահովել տեխնիկայի անվտանգ աշխատանքը
• պահպանել տան հարմարավետությունն ու անվտանգությունը
• խնայել ապագա ծախսերը